Johrgängerhöcks 2022
Liebi Johrgängerinnen und Johrgänger
Nach zwöi Johr Pause hei mir wieder dörfe uf em schöne Stierebärg zämesitze.
Au wenn mir das Mou nid so vöu gsi si wie au scho, isch es ganz e schöne Tag gsi; es hett aues passt, d'Stimmig, s'Esse und natürlich au s'Wätter.
Us de Kommentär z'schliesse si aui uf ihri Rächnig cho, d'Gniesser wo gärn wandere, die Gniesser wo gärn Bus und Auto fahre, oder eifach aui Gniesser wo gärn mit liebe Lüt diskutiere oder vo früecher verzöue und derzue no öppis Guets uf em Täuer resp. im Glas hei.
Hoffentlich chöi mir dä Alass au nöchscht Johr wieder dürefüehre.
Liebi Johrgängerinne und Johrgänger
Es isch wieder emou e glungne Tag gsi.
S’Zämesitze mit de ehemalige Mitschüelerinne und Mitschüeler isch immer spannend, es git jo so vöu z’verzöue und z’froge.
Au dr kulinarisch Teil hett passt; dr Risotto isch sämig und weich koched gsi, so hei ne au die mit de dritte und vierte Zähn chönne gniesse.
Es hett au niemer reklamiert, dass d’Pizza z’chli gsi isch (für nes paar hetts sicher no zum z’Nacht au wieder Pizza gäh…).
So freue mir üs aui uf e nöchscht Höck im Juni 2023 uf em Stiereberg.