Johrgängerhöcks 2023
Dr Höck uf em Stierebärg isch einisch meh ganz e gfreuti Sach gsi.
Au wenn mir das Johr nume no es chlises Grüppli gsi si, so hett doch aues wunderbar passt, d’Stimmig, d’Diskussione mit sympathische Lüt, s’Wätter und natürlich au s’Ässe.
Es hett sogar no es paar Unverbesserlichi gha, wo dr Stierebärg z’Fuess bezwunge hei; vielleicht nümme so schnäu wie früecher, aber derfür hei mir’s luschtig gha.
Nach em Höck isch dr Vorstand no schnäu zämegsässe und mir hei uf Grund vo Beobachtige, Vermuetige, Situationsanalyse und Vorschläg vo Johrgängerinne und Johrgänger bschlosse, dass das dr letscht Höck uf em Stierebärg gsi isch. Mir werde das Johr im November no dr Höck i dr Stadt unde (wo wüsse mir no nid genau) dürefüehre und ab nöchst Johr nur no 1 Höck organisiere. Dr Termin (wahrscheinlich anfangs Juni) und dr Ort (i dr Stadt) wärde mir euch no rächtzytig bekannt gäh.
Mir wünsche euch aune e schöne und sunnige Summer und freue üs, wenn dir im November i Schare chömed.
Dr Vorstand
So vöu si mir amene Höck scho es Zytli nümme gsi.
Es si es paar schöni Stunde gsi, wo mir wieder einisch hei chönne gmüetlich zämesitze und über „Gott und d’Wäut“ diskutiere oder eifach verzöue, was mir so erlebt hei.
Au s’Esse hett offebar aune gschmöckt, das isch jo au no wichtig.
So werde mir dr nöchscht Höck, wie scho agseit, im nöchschte Schpotfrüehlig/Früehsummer plane und euch d’Iladig rechtzytig schicke.
Mir freue üs scho jetzt uf dä Alass.
Mir vom Vorstand wünsche euch aune e schöni Adventszyt, schöni Wiehnachte und für’s 2024 vöu schöni Stunde, Zfriedeheit und vor auem e gueti Gsundheit.
Dr Vorstand
(Kurt Grossenbacher, Annemarie Lischer-Ramseyer, Sylvia Besançon-Wyss, Daniel Müller)
P.S. Wo vöu Liecht isch, isch au Schatte.
Wieder einisch si nid aui Getränk und Dessert zauht worde.
Es hei am Schluss öppe 50 Franke gfäuht.
Bitte achtet s’nöchscht Mou besser druf, dass dir aues zahled, was dir konsumiert heit.