Johrgänger-Träffe 2015
Am Samschtig, 12.Septämber hei mir vor em Parktheater am zwöi (14h) für's 65-Johr-Träffe abgmacht gha.
S'hei sich genau 65 Johrgänger zum mitmache entschiede !
Nach dr Begrüessig und em Befeschtige vo de Namens-Schüudli si mir mit em Linienbus is Velodrome gfahre worde.
Unger kompetänter Füehrig hei mir chönne vernäh, wie's zum Bou vom Velodrome cho isch... vo dr Idee über d'Finanzierig, über d'Konstruktion und Fahrtechnik könne mir üs jetz beschtens us !
Am vieri (16h) isch dr Fototermin für's Gruppefoto agseit gsi (s'het chlei es Gstungg gä uf dr Stäge !)
Derno het's es feins Apéro gä, s'Wätter het au guet mitgspüut und zur guete Luune biitreit !
Per BGU-Bus si mir am sächsi (18h) wieder bim Parktheater glandet, wo mir üse gmüetlech Alass mit Ässe, Trinke, Plaudere und Tanze (wär wöue het) verbrocht hei.
Derbi si mir au das Johr vo "The Darts", der Oldies-Band aus dem Berner Seeland, stimmigsvou ungerhaute worde... die letschte Unermüedliche si erscht am zwöi (02h) hei gange !!!
D'Idrück vo däm gmüetlich Alass si wieder i dr Fotolgalerie